Mediet në Turqi raportojnë se Emre Olur, i njohur si konsulenti i shtypit i mafias nacionaliste, të kryesuar nga Sedat Peker, i cili është kthyer në një ndër rreziqet më të mëdha për qeverinë e Erdoganit, është deportuar në Turqi mëngjesin e sotëm.
Analisti turk Erk Acarer bazuar në burime pranë Pekerit, tha se do të thirrej në zyrën e qeverisë për të përfunduar procedurat e qëndrimit në Emiratet e Bashkuara Arabe (EBA), por u dërgua në Serbi dhe më pas në Shqipëri, pa asnjë procedurë.
“Një zhvillim i ri dhe i rëndësishëm rreth Sedat Pekerit! Informacionet që kemi marrë nga burime pranë Pekerit tregojnë se rrethi është ngushtuar. Emre Olur, i njohur për publikun si konsulent shtypi, ka kaluar 3 ditë më parë nga Shqipëria në Emiratet e Bashkuara Arabe.
Tre ditë më vonë ai thirret në zyrën e qeverisë për të përfunduar procedurat e qëndrimit. Por procesi nuk është kryer. Së pari, ai dërgohet në Shqipëri me një fluturim lidhës nga Serbia. Ai u është dorëzuar autoriteteve turke.
Por kush është Emre Olur?
32 vjeçari Olu, i cili thuhet se është një “ekspert i sigurisë së informacionit”, ishte këshilltar për shtyp i Pekerit, ose ndryshe krahu i djathtë i mafies turke.
Olur, i cili ishte komentator në Beyaz TV, i cili ishte pranë qeverisë për një kohë, ishte gjithashtu objekt diskutimi me kërcënimin e tij ndaj këngëtares Gökhan Özo?uz.
Emre Olur ishte personi që ndau drejtpërdrejt disa nga deklaratat e Pekerit nga ditët e Emirateve të Bashkuara Arabe dhe iu përgjigj shumë njerëzve në emër të tij.
