Dhjetë objekte, mes të cilave dy shkolla do të shemben në Lezhë, pasi janë dëmtuar nga tërmeti i 26 nëntorit. Vendimi është marrë nga Këshilli Bashkiak, pas inspektimeve që i kanë nxjerrë këto objekte të pabanueshme.
Report TV raporton se janë planifikuar për tu shembur 7 pallate, një objekt banimi dy katësh dhe dy shkolla.
Por, situata e krijuar nga koronavirusi ka krijuar vonesa për t’i hapur rrugë programit të rindërtimit.
Në bashkinë e Lezhës janë 400 familje të mbetura të pastreha, si pasojë e dëmeve të shkaktuara nga tërmeti dhe të gjitha këto kanë përfituar banusin e qirasë për një periudhë 1 vjeçare. Por nuk mungojnë edhe familjet që jetojnë në pallate të pabanueshme.
Në bashkinë e Lezhës në muajin shkurt u mor vendimi për të shembur dy pallatet e para, por edhe pse kanë kaluar 3 muaj përsëri ndërhyrja nuk ka filluar për shkak të pezullimit të punës.
g.kosovari
