UPDATE/Shpëtohen dy efektivët e policisë të bllokuar që prej mbrejmes së djeshmë në kanionet e Progonatit.
Dy efektivët e komisariatit të Tepelenës, që mbetët të bllokuar në një terren të vështirë, janë shpëtuar nga pas ndërhyrjes së policisë dhe me ndihmën e një bariu të zonës. Mësohet se edhe alpinistët e RENEAS u kanë shkuar në ndihmë gjatë natës, por u larguan për shkak të errësirës. Në ndihmë të efektivëve shkoi edhe një helikopter, por e pati të pamundur të ulej për shkak të terrenit të vështirë
Shefi i rendit të Tepelenës, Roland Zhapa dhe inspektori i zones, Fejzo Meçe mbetën të bllokuar që prej mbrëmjes së djeshmë në një terren të vështirë.
Dy efektivët po kryenin një kontroll të territorit pas informacioneve për kultivim të kanabisit, por mbetën të bllokuar deri sot në mesditë, pasi u futen në një terren tepër të vështirë.
Ngjarja
Me të marrë njoftimin për bllokimin e efektivëve janë marrë masa nga ana e Komisariatit të Policisë Tepelenë, por për shkak të terrenit të vështirë nuk ishte e mundur tu vihej në ndihmë me punonjësit e policisë.
Drejtori i Policisë së Shtetit ka urdhëruar alpinistët e repartit RENEA për të shkuar menjëherë në drejtim të tyre, pasi helikopteri e ka pasur të pamundur të ulej për të tërhequr dy efektivat e Policisë.
Alpinistët e RENEA-s janë afruar në zonën ku kishin mbetur të bllokuar dy efektivët dje në mbrëmje, por për shkak të errësirës janë tërhequr pa mundur t’ju shkojnë në ndihmë.
Mëngjesin e sotëm, kanë vijuar përpjekjet me alpinistët e RENEA-s për të shkuar në ndihmë të dy punonjësve të Policisë, por përsëri ka qenë e pamundur për shkak të terrenit
Ne drejtim të tyre është nisur helikopteri i Emergjencave Civile, por për shkak të erës së fortë është ulur në fshatin Krahës të Tepelenës, në pritje të përmirësimit të kushteve të motit, pasi e ka të pamundur kryerjen e operacionit të shpëtimit.
Të dy punonjësit e Policisë kanë qenë në komunikim të vazhdueshëm me Ministrin e Punëve të Brendshme, me Drejtorin e Përgjithshëm të Policisë së Shtetit dhe me strukturat drejtuese të Policisë Vendore dhe janë jashtë rrezikut për jetën.
Rreth orës 12.25 punonjësit e Policisë janë nxjerrë nga toka me ndihmën e punonjësve të policisë dhe të një bariu që e njihte mirë terrenin, pasi nga ajri helikopteri për shkak të erës së fortë nuk është futur dot.
Punonjësit e Policisë tashmë kanë dalë nga zona me rrezik duke vijuar lëvizjen të shoqëruar nga kolegët dhe një mjek i cili po kujdeset për gjendjen shëndetësore të tyre, ku paraprakisht të dy janë mirë./javanews.al/a.ç
***
Dy efektivë të Komisariatit të Tepelenës kanë mbetur të bllokuar në humnerë. Ata kanë hipur në një shkëmb për të kontrolluar territorin, por kanë mbetur të bllokuar që prej mbrëmjes së djeshme.
Mësohet se shefi i rendit Roland Zhapa dhe inspektori i zonës janë bllokuar në humnerat e Progonatit në njësinë administrative Kurvelesh.
Mësohet se një helikopter nga Tirana është nisur për të shpëtuar efektivet, pasi këta të fundit kërkuan ndihmë.
Dy efektivët e plicisë kanë dalë prej mëngjesit të djeshëm duke kontrolluar territorin dhe raportohet se janë të bllokuar që prej mbrëmjes së djeshme./javanews.al/a.ç
