Ish-drejtori i AKBN-së, Klodian Gradeci, i cili ishte në arrest shtëpia është lënë i lirë. Sipas News 24 gjykata e Apelit ka vendosur masën e sigurisë detyrim paraqitje.
Më herët, Gradeci ka mbajtur postin e drejtorit të hidrokarbureve në AKBN dhe akuzohet për shpërdorim detyre.
Ai është i akuzuar si i përfshirë në një skeme mashtrimi, e cila dyshohet se ka shkaktuar një dëm financiar prej 1.5 milion dollarë.
ARRESTIMI
Ish-drejtori i Hidrokarbureve, Klodian Gradeci, i cili u shpall në kërkim më 6 tetor gjatë operacionit “Akciza”, u arrestua nga Policia teksa kthehej nga Turqia.
Gradeci, dhe biznesmeni Isuf Berberi, ishin dy personat që nuk u arrit të arrestoheshin mbrëmjen e datës 6 tetor gjatë operacionit të koduar “Akciza”, rezultat i një hetimi mbi abuzimet e kryera nga zyrtarët e AKBN.
Gradeci se së bashku edhe me biznesmenë dhe zyrtarë të tjerë i kanë shkaktuar një dëm prej 1.5 milionë dollarë buxhetit të shtetit. Nga ana tjetër, Denis Durrësi, drejtor i Drejtorisë Ekonomike tek Agjencia Kombëtare e Burimeve Natyrore, e vartësi i tij, inspektori Qani Hoxhaj u arrestuan, bashkë me dy inspektorë tatimorë, Arben Doda e Simon Marku, dhe biznesmenin Naim Kasa.
g.kosovari
