Gjykata e Apelit në Durrës mbyll dosjen për vrasjen e mbetur në tentativë ndaj ish-efektivit të policisë Fadil Mema.
Trupi gjykues i kryesuar nga Anita Mici gjatë zhvillimit të seancës gjyqësore, ka vendosur të lerë në fuqi vendimin e Shkallës së Parë, të gjyqtarit Tomor Kullolli, i cili në 20 nëntor 2019 vendosi të pushojë, akuzat e ngritura nga prokuroria për Florenc Çapjan.
Florenc Çapja ishte duke u gjykuar në gjykatën Apelit në Durrës, pas ankimimit të bërë nga prokuroria e Elbasanit, ndaj vendimit të datës 20 nëntor 2019 të marrë nga gjyqtari Tomor Kullolli, i cili gjatë një seance paraprake vendosi të pushojë dy akuzat e ngritura nga prokuroria, atë të “Vrasjes me paramendim” mbetur në tentativë dhe “Mbajtjes pa lejë të armëve”, duke urdhëruar lirimin nga qelia të Florenc Çapjes.
Vendimi i dhënë në nëntor 2019 u kundërshtua publikisht nga Policia e Shtetit, e cila e quajti vendimmarrjen e gjyqtarit Kullolli të turpshme.
Çapja u arrestua në muajin qershor 2019, por pas 6 muaj në burg, akuzat ndaj tij u pushuan dhe më pas u lirua pa u gjykuar fare.
Është hera e tretë që pushohet kjo çështje. Sot e kësaj dite autoritetet e drejtësisë nuk kanë asnjë person të dënuar për tentativën e vrasjes së ish-efektivit të Policisë Rrugore në Elbasan, Fadil Mema.
g.kosovari
Sado qe ta kundershtoje prokuroria,ai ka paguar parate,e tille eshte drejtesia shqiptare,fajtoret nuke jane denuar asnji here ne vendin tone.Denohen ata qe nuke kane para,gjykatat shqiptare kundershtojne e denojne te varfrit.