Një aksident i rëndë u regjistrua mëngjesin e sotëm në zonën e Koplikut ku për pasojë ndërroi jetë 45-vjeçari Durim Lushaj.
Si pasojë e aksidentit është plagosur shoferi i makinës, 40-vjeçari me iniciale L.B. dhe pasagjeri tjetër E.Sh.
Policia tha se ka shoqëruar në Komisariat shoferin e mjetit tjetër ‘Benz’, një 20-vjeçar me inicialet E.P.
Malësi e Madhe, Shkodër/Informacion paraprak
Rreth orës 11:10, në unazën e qytetit të Koplikut, mjeti tip “Benz” me drejtues shtetasin E. P., 20 vjeç, banues në Rrashkullaj, Malësi e Madhe, është përplasur me mjetin tip “Volksëagen” me drejtues shtetasin L. B., 40 vjeç.
Si pasojë e përplasjes ka ndërruar jetë pasagjeri që udhëtonte në mjetin tip “Volksëagen” shtetasi D. L., rreth 45 vjeç dhe janë plagosur shtetasit L. B. (drejtuesi) dhe E. Sh., të cilët ndodhen në spital, jashtë rrezikut për jetën.
Drejtuesi i automjetit tip “Benz” është shoqëruar në ambientet e Policisë, për veprime të mëtejshme. Grupi hetimor vijon punën për sqarimin e rrethanave të aksidentit.
