Udhëheqësit e BE-së kanë miratuar kërkesën e Mbretërisë së Bashkuar për t’u larguar nga Bashkimi Europian.
27 udhëheqësit dhanë mbështetjen e tyre pas diskutimit më pak se një orë në Bruksel.
Tusk sinjalizoi të shtunën se marrëveshja do të miratohej pasi Spanja tërhoqi shqetësimet e minutës së fundit në lidhje me Gjibraltarin.
Pas 17 muajsh negociatash të vështira, Bashkimi Europian dhe Britania e Madhe nënshkruajnë të dielën marrëveshjen paraprake për Brexit. Kryeministri spanjoll, Pedro Sanchez pas një ujdie për Gjibraltarin hoqi dorë të shtunën nga vetoja e planifikuar duke pohuar se Spanja do ta nënshkruajë marrëveshjen.
Marrëveshja duhet të miratohet nga Parlamenti i Mbretërisë së Bashkuar, ku shumë deputetë janë kundra.
Presidenti i Këshillit Evropian njoftoi lajmin në një postim në Twitter.
Pak para takimit, në Tëitterin e saj Theresa May ka publikuar një letër drejtuar qytetarëve të Mbretërisë së Bashkuar ku edhe i premtonte një kapitull të ri në historinë e vendit të tyre.
“Kjo është një marrëveshje për një të ardhme më të ndritshme. Do të jemi në gjendje të nënshkruajmë marrëveshje të reja tregtare dhe të hapim tregje të reja në ekonomitë që po rriten me ritëm të shpejtë në mbarë botën”
Ndërsa presidenti i Komisionit Evropian, Jean-Claude Juncker u shpreh se kjo ishte një ditë e trishtuar për Europën.
“Nuk është moment për t’u gëzuar. Është tragjedi. Por gjithsesi kjo marrëveshjeje sepse është më e mira për Britaninë”
Mbretëria e Bashkuar është planifikuar të largohet nga BE më 29 mars 2019.
Parlamenti i Britanisë së Madhe pritet të votojë mbi marrëveshjen në fillim të dhjetorit, por miratimi i tij nuk është aspak i garantuar, me punën
a.ç
