“Urgjent. Luigji XIV vdiq”. Është e martë ora 08:15. Një edicion special në Kështjellën e Versajës po transmetohet në platformën “Twitter” i cili publikon humbjen e “Mbretit Diell” duke i dhënë fund mbretërimit më të gjatë në historinë e Francës.
Që nga 10 gushti, përdoruesit kanë mundësinë të ndjekin në mënyrë të drejtpërdrejtë në platformën “Twitter” nga kështjella (@CVersailles) vdekjen e ngadaltë të Luigjit XIV, simptomat e para të sëmundjes deri në momentin e frymës së fundit.
Një edicion special titulluar “Mbreti vdiq” do të shoqërojë gjithë të martën për të përkujtuar 300-vjetorin e vdekjes së monarkut, në moshën 76-vjeçare.
”Shoqëruar me tablo dhe piktura të asaj epoke, rrugëtimi është ndërtuar si fillim me disa dëshmi historike natyrisht të markezit Dangeau dhe vëllezërve Anthoine, djem të oborrit të mbretit”, saktëson kështjella në një komunikatë.
Vijon më pas deri në momentin e pregatitjeve të ceremonisë mortore.
“Djemtë e dhomës mbyllin sytë e mbretit dhe ndërrojnë këmishën e tij. Trupi i Luigjit XIV dergjet në shtrat. Oborri vërshon drejt dhomës, Luigji XIV dëgjon lutjet në agoni “Ave Maria” dhe ”Le Credo”, këto janë disa nga mesazhet në “Twitter” nga kështjella.
Një web faqe në internet e dedikuar, “Edicioni i shkurtër informativ i mbretit të madh” (www.leroiestmort.com) i konceptuar si një site informues krijuar paralelisht me një ekzpozitë kushtuar ngjarjes që pritet të mbahet nga 27 tetori deri në 21 shkurt.
Periudha e agonisë së Luigjit XIV zgjati për gati tre javë./
