Kryeministri Edi Rama ishte i pranishëm në një takim me përfaqësuesit e biznesit të vogël.
Në këtë tryezë u diskutua për futjen e biznesit në skemën e deklarimit të TVSH-së.
Kryeministri Rama deklaroi se qëllimi nuk është të merren para nga këto biznese, por të shmanget abuzimi i të mëdhenjve.
Ai tha se bizneset e vogla, edhe vetë e kanë pranuar se për të mos kapur tavanin prej 8 milionësh, kanë gënjyer me bilancet. Kjo sipas tij ka sjellë abuzimin nga bizneset e mëdha që furnizojnë të vegjlit me mall të padeklaruar, duke shmangur taksat.
Rama theksoi se probolemi mbetet ngritja e nivelit për të qenë subjekt i TVSH-së.
“Problemi juaj nuk është TVSH-ja, problemi juaj është tavani 8 milionë, sepse duke kapërcyer tavanin ju ktheheni në subjekt që pastaj ëhstë idetyruar të paguajë një taksë nga 5-15 përqind. Kjo bën q ëhsumë rpej jush gënjejnë, e thonë vetë, gënjejnë me bilancet dhe për të mbajtur kokën nën tavan, ndërkohë që xhiron e kanë më të lartë se 8 milionë, jetojnë në stresin e vazhdueshëm të hartimit të bilanceve të rreme.
Këtë çështje ne mendojmë se ka ardhur koha ta adresojmë si duhet, në mënyrë që asnjë biznes i vogël të mos jetë i detyruar të gënjejë, tavani të rritet mbi 100 milionë, dhe juve me tavanin mbi 100 milionë ktheheni nga gënjeshtarë në aleatë të shtetit. Qëllimi nuk është të merren lekë nga ju për shtetin, por është që të mëdhenjtë të mos lejohen t’ë shmangin detyrimet. Ata ua japin pa faturë, juve u thoni hajde ma jep se po e mora me faturë duhet të kaloj 8-milionshin, dhe kësaj historie të shëmtuar ne do t’i japim një fund logjik, edhe një fund ligjor”, deklaroi Rama./a.m.
