Pavarësisht se pamjet e publikuara ngrinin dyshime të forta mbi zarfin që kandidati i LSI-së Viktor Tushaj i dha aktivistit të dhunuar të kësaj partie në Lezhë, Ilir Meta mendon ndryshe.
Në intervistën e tij për “Dritare me Rudina Xhungën”, Meta i cilësoi këto aludime si përralla të shëmtuara.
Madje, edhe pse kandidati i LSI-së e pranoi se në zarf kishte para por se është traditë lezhjane, për Presidentin e zgjedhur kjo temë nuk ka vlerë.
“Kjo është një përrallë e shëmtuar. Kandidati e ka shpjeguar vetë. Nuk e di si e ka traditën në ato fshatra. Por këto janë pa vlerë. LSI është partia më e drejtë në Shqipëri. Është partia më e sulmuar sepse LSI është partia e të gjithë të rinjve në Shqipëri.” u shpreh Meta
