Recep Tayyip Erdogan deklaroi se Turqia do të zhvillojë marrëdhëniet bilaterale dhe shumëpalëshe me vendet në Amerikën Latine dhe Karaibe, raporton Anadolu Agency (AA).
Erdogan mbajti një konferencë për media në aeroportin “Esenboga’’ të Ankarasë pas kthimit nga Samiti i G20-s në Argjentinë dhe vizitave të tij në Paraguaj dhe Venezuelë.
Ai tha se në samit pati mundësinë të diskutojnë çështje të ndryshme, ku u vu theksi në rëndësinë e luftës kundër terrorizmit.
“Nënvizuam se kjo luftë duhet të zhvillohet me solidarizim dhe sinqeritet kundër të gjitha formave të terrorizmit pa dallim” – përfundon Erdogan.
/A.Rada
