Presidenti i Republikës, Ilir Meta ka takuar sot nobelisten e Paqes Aung San Suu Kyi, gjatë vizitës së tij në Tokio, me ftesë të Perandorit të Japonisë, për të marrë pjesë në ceremoninë e kurorëzimit të Madhërisë së Tij, Perandorit të ri të Japonisë, Naruhito. Teksa shprehu mbresat nga ky takim, Kreu i Shtetit përcolli edhe një foto në rrjetet sociale për ta ndarë me ndjekësit.
Por më sa duket disa prej tyre nuk e kanë pritur mirë këtë gjë, duke shkruar mbi të shkuarën e Aung San Suu Kyi, pasi sipas tyre nobelistja është shkaktare e masakrës dhe përndjekjes së mijëra myslimanëve civilë të pafajshëm Rohinga nga Mianmari drejt Bangladeshit.
Kujtojmë që kohë më parë, janë hapur shumë peticione online, të cilët janë nënshkruar nga miliona njerëz, ku kanë bërë thirrje për revokimin e Nobelit të Paqes për Suu Kyi, shkaktare e persekutimit, masakrës dhe gjenocidit mbi komunitetin pakicë të myslimanëve rohingianë.
