Zhvillimi i turizmit në Tropojë ka bërë bashkë krerë institucionesh të Shqipërisë e Kosovës. Nga bjeshkët e largëta të Tropojës, ministrat e Turizmit të të dy vendeve bënë thirrje për promovimin dhe ruajtjen e këtyre atraksioneve turistike.
Tropoja ishte qendra ku takuan zyrtarë të Kosovës e Shqipërisë. Kishin si qëllim promovimin e turizmit atje, por edhe shtimin e bashkëpunimit në këtë industri.
Ministrja e Turizmit, Mirala Kumbaro tha se Bjeshkët e Tropojës janë pasuri e të gjithë shqiptarëve, ndaj duhet të kujdesemi e promovuar ato.
Mirala Kumbaro: Besoj me rezultate të mira sepse krijojmë një atmosferë shumë të mirë ku për të parën herë u ulëm të gjithë bashkë për zhvillimin e turizmit.
Edhe Për Rozeta Hajdarin, Ministre e Industrisë, Ndërmarrësisë dhe Tregtisë në Kosovë, Tropoja është një destinacion që lidh dy shtetet vëllazërore, ndaj bëri thirrje për zhvillimin e mëtejshëm të turizmit atje.
Rozeta Hajdari: Kufinjtë janë ndërtuar nga sisteme politike por asnjëherë nga njerëzit dhe asnjëherë nga gjaku ynë dhe kjo është se ne nuk kemi shumë nevojë për të punuar sepse njerëzit kanë filluar vetë të komunikojnë.
Në aktivitet morën pjesë edhe amabsadori i Shqipërisë në Kosovë, kryetari i Komunës së Tropopjës, dhe kryetarët e komunave të Gjakove , Deçanit dhe Rahovecit te Kosovës.
