Turistët e pasionuar pas natyrës duket se po mësojnë shpejt se të vizitosh vendet e Ballkanit Perëndimor, si Shqipëria, Bosnje-Hercegovina, Kroacia, Kosova, Maqedonia, Mali i Zi, Serbia dhe Sllovenia do të thotë të lundorsh në ujërat e detit Adriatik, të bësh ski në Alpet Dinarike, të bësh kayaky në ujërat e lumenjve të Kosovës apo të ecësh në pyje. Por, rajoni ofron edhe një botë të tërë autentike të gastronomisë dhe verërave.
“Via Dinarica Alliance”, një aleancë agjencish turistike të aventurës bën të ditur se vitit i kaluar ishte tejet pozitiv për këtë sektor i cili shënoi edhe shifra rekord turistësh raporton Monitor. Ata promovojnë shtigje ku mund të bëhet ecje dhe ngjitje në shtetet kufitare të këtij rajoni. Rrjeti i krijuar mes të gjitha vendeve, ku përfshihet edhe Shqipëria ka lehtësuar udhëtimet në Ballkan.
E quajtur “Via Dinarica” ( Rruga Dinarike) përfaqëson një trajektore të gjatë 2,000 kilometra që shtrihet nga Sllovenia e kalon përmes Kroacisë, Bosnje dhe Hercegovinës, Malit të Zi, Shqipërisë, Serbisë, Kosovës dhe Maqedonisë.
Ky itinerar është vlerësuar si një nga rrugëtimet më interesante, ndër to britanikja “The Guardian” e ka cilësuar si ndër udhëtimet e aventurës më të mira, të përfshirë në dhjetëshen më të mirë europiane, ndërsa revistja e turizmit Ëanderlust e ka cilësuar si një një nga rrugëtimet e domosdoshme për t’u ndjekur gjatë këtij viti.
Ky rrjet ka për qëllim që të promovojë këto destinacione me të gjitha vlerat unike, kulturore, historike dhe të traditës si një rajon i tërë.