Turizmi si çdo vit hap debate sa inumrit të turisëve vit pas viti, ose ndryshimi i çmimeve. Për të diskutuar në lidhje me të gjitha problematikat e turizmit por edhe për të bërë një pasqyrim të të gjitha vendeve se që mund të vizitojmë, në emisionin Java në Dritare ishte i ftuar guideri Arben Kola në një lidhje direkte nga Ksamili.
Kola shprehet se çdo turist e ka mundësinë e zgjedhjes, edhe nëse nuk ka një buxhet të mjaftueshëm për të bërë pushime të shtrenjta dhe luksi, Shqipëria të jep mundësi zgjedhjeje.
“Ajo që do ju sugjeroja turistëve, është të informohen paraprakisht për vendin që zgjedhin të kalojnë pushimet. Sot i kanë të gjitha mundësitë, të informohen për çmimet, cilësinë e shërbimeve, të vendit ku duan të shkojnë. Mjaftone dhe një telefonatë për të pyetur për çmimet. Duhet një farë edukimi, sepse shqiptarët nisen edhe ku t’i zejë nata ndalojnë dhe pyesin: A ka hotel? Se pashë disa turistë kështu në Theth, dhe u lodhën gjatë duke kërkuar shtëpi.
Ju thashë, se nuk është më Shqipëria si para 10 viteve, mund ti marrësh në telefon dhe t’i pyesësh. Duket të edukohemi të gjithë me planifikimin e vizitave, që do të thotë, para se të shkosh diku, prenoto, pyet për çmimet. Unë edhe pse guider, vazhdoj pyes,gjithmonë për të qenë i sigurt, sepse gjerat ndryshojnë nuk ngelen të njëjtat.
Edhe me faturat e teprojnë, sepse ndodh që qarqe të caktuara të bëjnë antireklamë për një vend tjetër, dhe njerëzit i besojnë këto dhe fillojnë ankohen. Kjo penalizon bizneset, të cilat gjithë pranverën, janë përkushtuar për të përmirësuar kushtet, shërbimet, sepse ata verën presin, që të punojë. Mungesa e stafit dhe trajnimi i stafit vazhdon të jetë problem.
Por unë i ftoj shqiptarët të mos nisen me paragjykime por të bëjnë kërkime dhe të informohen për vendet që zgjedhin, pasi paketat jashtë shtetit duken të lira kur i sheh në internet por edhe kur shkon atje, ke për të paguar një sërë gjerash të tjera, taksa, shërbime të nevojshme, dhe të shkon gati dyfishi. Sivjet turistë kryesisht francez, gjerman, anglez dhe kemi rënie të amerikanëve. Sigurisht një treg i madh n aka ikur nga ukrainas dhe rusët, për shkak të luftës. Por ajo që vemë re është se sivjet ka edhe turistë nga shtete të padëgjuara më parë, nga Lindja e Mesme, India”, u shpreh Kola për Dritare Tv.
