Gjatë ditës së sotme një grup turistësh të huaj kanë pësuar dëmtime në zonën e Llogarasë ku kishin shkuar për të pushuar, pasi janë rrëzuar nga biçikletat.
Sipas Policisë së Vlorës, ngjarja ka ndodhur rreth orës 13:20. Turistët ishin duke udhëtuar me biçikletë në zbritje të Llogarasë drejt fshatit Dukat.
Njëri prej tyre, një shtetas gjerman U.Sh 71 vjeç, është rrëzuar dhe është dëmtuar në njërin krahë.
I dëmtuari u dërgua në Spitalin Rajonal Vlorë për ndihmë mjekësore./a.m.
