Pas një takimi me qytetarë dhe sipërmarrës të vegjël, në njësinë administrative nr.11 në Tiranë, Basha ka ndarë me ndjekësit e tij në Facebook edhe videon nga takimi.

Por pjesa që ka marrë më shumë vëmendjen ka qenë një sipërmarrës që thotë se s’po i ngrihet aty ku duhet.

Në fakt, burri në fjalë e ka fjalën për xhiron e dyqanit, por duke mos e përmendur fjalën xhiro, ka bërë që e gjithë fjalia të nxirret nga konteksti dhe të shpërndahet në mënyrë masive në rrjetet sociale.

“Akoma s’po na ngrihet aty ku duhet, po lëviz,”– thuhet në video, pjesa që tashmë e ka bërë kryedemokratin pjesë të faqeve me meme.

Gjithashtu, postime të shumta kanë nisur edhe nga faqet e socialistëve.

Herën e fundit, që Basha u bë pjesë e rrjeteve sociale, për ‘incidente’ të këtij lloji ishte gjatë vizitës tek tregu i Kombinatit, kur një burrë iu afrua që të dilte me të në kamerë.