“Pas disa orësh pritet të hapet tuneli T3. Përmes këtij kalimi do të shkarkohet trafiku i automjeteve që vijnë nga Durrësi në drejtim të kryeqytetit, për të aksesuar më pas zonën e Astirit.”
Tuneli numër tre në Sheshin Shqiponja ka përfunduar. Tashmë janë duke u bërë punimet e fundit që ai të hapet për qarkullim në mbrëmje.
Sipas Autoritetit Rrugor Shqiptar pas 1 jave edhe tuneli tjetër paralel me të, i përdorur për daljen e makinave nga Tirana do të përshtatet për të bërë kalimin e automjeteve që vijë nga Durrësi në drejtim të Laprakës, çka pritet të shfryjë ndjeshëm trafikun në këtë zonë.
Në muajin Maj kryeqyteti do të ketë 3 hyrje, pasi do të shtohet edhe kalimi mbi tunele në drejtim të rrugës Dritan Hoxha.
Si dalje nga Tirana do të mbetet rrotullimi që mbledh trafikun e zonës së Astirit dhe Laprakës, ndërsa ka nisur puna për heqjen e by-passit provizor, në mënyrë që dalja të bëhet drejt.
Të gjithë këto lëvizje janë provizore, deri në përfundimin e plotë të nënkalimit në sheshin Shqiponja, i cili parashikohet të përfundojnë në shkurt të vitit të ardhshëm sipas afateve kontraktuale, ndërsa autoritetet thonë se vepra do të jetë gati në Dhjetor të këtij viti në bazë të ecurisë së shpejtë që kanë patur punimet./ b.h
