Kufoma të gjymtuara dhe pjesë të prera trupash janë gjetur të hedhura në shtatë vende të ndryshme, në territorin e qytetit verior meksikan të Monterrey.
Rreth 12 kufoma janë gjetur në periferi dhe në lagjet më të pasura të qytetit. Autoritetet meksikane thanë të martën se ishin ende duke analizuar pjesët e trupit të copëtuara për të provuar dhe identifikuar numrin e njerëzve që ishin vrarë.
Nisur nga mesazhet e lënë mbi mbetjet njerëzore, ata besojnë se vrasjet masive mund të jenë shkaktuar nga një mosmarrëveshje brenda një organizate kriminale me bazë në shtetin e Tamaulipas.
Ndërkohë, prokurori i shtetit të Nueva Leon, Pedro Jardon tha: “Nga mesazhet e gjetura pranë trupave del se ka njëfarë lidhje“.
Kjo valë dhune dhe brutaliteti në zonën metropolitane të Monterrey-t ka shqetësuar banorët pasi ngjallin kujtimet e periudhës së përgjakshme në vitet 2010, kur konfliktet e karteleve bën që çdo ditë në rrugë të gjendeshin trupa të të vrarëve, ndërsa në ura kishte njerëz të varur.
