Presidenti i Shteteve të Bashkuara, Donald Trump, do të presë javën e ardhshme në Shtëpinë e Bardhë kryeministrin e Hungarisë, Viktor Orban, . Takimi do të zhvillohet më 13 maj, njoftoi Shtëpia e Bardhë.
“Marrë parasysh lidhjet e kahmotshme midis Shteteve të Bashkuara dhe Hungarisë, presidenti dhe kryeministri do të diskutojnë mënyrat për të thelluar bashkëpunimin në një varg çështjesh, përfshirë tregtinë, energjinë dhe sigurinë kibernetike”, thuhet në njoftim.
Orban njihet si lideri më autoritar brenda shteteve anëtarë të Bashkimit Evropian. Emri i tij bëri bujë kur vendosi të ndërtojë mure në kufirin mes Hungarisë dhe Serbisë në mënyrë që të ndalojë ardhjen e emigrantëve në shtetin e tij.
Tutje ai njihet edhe si cenzurues i medias së lirë hungareze dhe ka kaluar shumë ligje që shkelin të drejtat themelore të njeriut.
Në anën tjetër Donald Trump gjithashtu ka bërë të ditura planet e tij që të ndërtojë një mur në kufirin me Meksikën.
Mbetet të shihet se çka do të jetë tema e takimit mes dy liderëve.
g.kosovari
