Kandidati republikan Donald Trump, ka marrë hapur mbështetjen edhe nga një vend që mund të cilësohet armmiku më i madh i SHBA si Rusia, por jo vetë. Ai shihet me simpati edhe nga serbët. Revista “Nedeljnik” e Beogradit ka siguruar një intervistë ekskluzive me Donald Trumpin dhe ka nisur të publikojë disa sekuenca mbi deklaratat e kandidatit republikan.
Ai citohet të ketë thënë se “u kërkon falje serbëve për shkak të bombardimeve dhe premton një politikë të re ndaj Ballkanit nëse fiton në zgjedhjet presidenciale”.
“Bombardimi i serbëve, të cilët kanë qenë aleatët tanë në dy luftra botërore, ka qenë gabim i madh. Serbët janë njerëz shumë të mirë. Për fat të keq administrata e Clintonit u ka shkaktuar shumë të këqija, por edhe tërë Ballkanit, në të cilin kanë shkaktuar kaos”, mësohet të ketë thënë më tej Trump.
Trump vijoi më tej se “do të forcojë lidhjen tonë me qeverinë në Beograd” nëse fiton zgjedhjet./a.m.
