Presidenti amerikan, Donald Trump garantoi dje Japoninë për mbështetjen e plotë të SHBA-së pas një goditje me predhë balistike nga Koreja e Veriut në kundërshtim me rezolutat e OKB-së.
“Dua që e gjithë bota të kuptojë dhe të jetë e ndërgjegjshme për faktin se SHBA-ja është 100 për qind mbrapa Japonisë, aleati i saj i madh”, deklaroi Trump në një konferencë të shkurtër për shtyp në Florida.
“Goditja e fundit me predhë nga Koreja e Veriut është krejtësisht e papranueshme”, kishte thënë pak më parë kryeministri japonez, Shinzo Abe.
“Koreja e Veriut duhet të respektojë plotësisht rezolutat e Këshillit të Sigurimit në Okb”, kishte shtuar kreu japonez, i ftuar nga Trump për një fundjavë në rezidencën e tij luksoze në Mar-a-Lago./b.d
