Që Donald Trump është një personazh i paparashikueshëm dh e me plot vendime të habitshme këtë tashmë e kemi njohur tek ai. Por, çdo ditë e më shumë, te presidenti i zgjedhur i Shteteve të Bashkuara zbulohen vendime që duken sa të çuditshme aq edhe qesharake. Ai njihet si një personazh me eksperiencë të madhe, sigurisht që jo në politikë, por në botën e spektakleve ku atij i njihen disa patenta.
Dhe duket se Trump, suksesin që ka pasur në këtë fushë po e shfrytëzon edhe në politikë. Shumë duken të habitur por ai ka përzgjedhur ekipin e tij me standartet e botës së shoubizit. Kjo ka ndodhur për Sekretarin e Shtetit, ku zbulohen disa prapaskena se pse u eliminua një prej kandidatëve potencialë dhe u zgjodh Tillerson.
“Mos harroni që ai vjen nga biznesi i spektakleve. Ishte në majën e shoubizit dhe mendon se edhe politika është veç të tjerash, shoubiz” thotë Chris Ruddy, shefi ekzekutiv i “Neësmax Media”.
Dhe në fakt ky standard u zgjodh për Tillerson. Trump zgjodhi Rex Tillerson, sepse sipas presidentit të zgjedhur, Tillerson ashtu si Romney bien menjëherë në sy kur hyjnë në një sallë.
“Prezantimi është shumë i rëndësishëm sepse je duke prezantuar Amerikën, jo vetëm në skenën kombëtare por edhe në atë ndërkombëtare, në varësi të postit”, thotë zëdhënësi i ekipit të Trump për tranzicionin e pushtetit, Jason Miller.
Mësohet se kandidati John Bolton u eliminua vetëm prej..mustaqeve. Po, po! Kjo konfirmohet nga një pejsëtar i stafit që preferon të jetë anonim.
“Mustaqet si furçe” të diplomatit të vjetër kanë qenë një nga arsyet që e penguan në konkurrim.
“Donaldi nuk do ta pëlqente ndonjëherë ato mustaqe”, tha një nga ndihmësit, me kusht që të mos citohej me emër. “Ai nuk ka qejf të mbajë rreth vetes njerëz me mjekrra dhe mustaqe”./a.m.
