“Bota do të paguajë shtrenjtë faktin që Kina ka ngadalësuar ndarjen e informacionit në lidhje me virusin”. Kështu u shpreh presidenti amerikan Donald Trump, gjatë konferencës ditore në Shtëpinë e Bardhë.
“Ne po punojmë vazhdimisht për të mposhtur virusin kinez “, u shpreh ai, duke nënkuptuar kështu se fajëson Pekinin për përhapjen e Covid-19.
“Disa e quajnë virusin një veprim të Zotit, unë jo. Është diçka që ka befasuar botën. Nëse do ta kishim ditur më parë, nëse atado ta kishin ditur më parë, mund ta kishim ndaluar atë pikërisht në vendin nga u përhap, që është Kina”.
Shtetet e Bashkuara kanë aprovuar përdorimin e “chloroquine anti-malarica” për përdorim si një mënyrë trajtimi kundër koronavirusit të ri.
“Ne do ta bëjmë këtë ilaç të disponueshëm me recetë pothuajse menjëherë”, tha Trump.
Ndërkaq, lidhur me vaksinën ndaj koronavirusit, ai tha se SHBA po zhvillon vaksinat dhe terapitë sa më shpejt të jetë e mundur.
“Kjo nuk është një luftë financiare, por një luftë shëndetësore. Asnjëherë nuk ka pasur një gjë të tillë në histori dhe ne duhet ta fitojmë atë”, theksoi Trump. /e.s/
