Presidenti i Shteteve të Bashkuara, Donald Trump, duket se ka gjetur një nofkë të re për liderin e Koresë Veriore, Kim Jong-un, të cilin e ka quajtur “Njeriu Raketë” në një postim në rrjetin social Twitter, pas një bisede telefonike me presidentin e Koresë Jugore, Moon Jae-in.
Presidenti amerikan shkroi sot në Twitter se ka folur me Moon gjatë natës së shtune, transmeton Express.
“E pyeta se si po ia çon Njeriu Raketë. Vargje të gjata të gazit janë duke u formuar në Korenë Veriore. Shumë keq!” ka shkruar Trump.
Dy liderët kanë folur për përshkallëzimin e tensioneve në gadishullin korean dhe raportohet se janë pajtuar për të vendosur sanksione më të mëdha ndaj Koresë Veriore pas testit të fundit raketor. /b.d
