Ish-presidentë, presidentë, të pretenduar për donator e lojtarë kanë qenë pjesë e një raportimi të The Guardian për historinë e Skënderbeut dhe vendimit që pritet të jepet nga CAS për ekipin e superligës shqiptare.
Ish presidenti I Skënderbeut, Agim Zeqo, I kontaktuar nga The Guardian tha: “E mohova me forcë faktin që gjatë kohës që kam qenë unë president kanë ndodhur fiksim I rezultatit të ndeshjeve. Unë jam I gatshëm të përballem me akuza të tilla publikisht, por duke përfshirë edhe cdo gjykatë nëse është e nevojshme“.
Presidenti aktual Ardian Takaj, që pasoi Zeqon në 2012, dhe ish ministri I Finacave Ritvan Bode thuhet se kanë pasur ndikim në skemën e supozuar, raporton the guardian. Ky I fundit, është deklaruar në raport se ka qenë një donator kyc. Për Boden thuhet se mban “fuqinë, lidhjet dhe njohjet me influencë në ndeshjet me Skënderbeun dhe e ka bërë këtë gjatë viteve”.
Takaj akuzohet se ka synuar ndeshjet miqësore për përfitime të paligjshme duke përdorur marrëdhëniet me lojtarët e Skënderbeut e duke ndikuar në veprimet e tyre në fushë. Një seksion labirint i raportit, fokusohet tek bizneset e Takaj, duke eksploruar linqe ndërmjet Skënderbeut dhe kompanive të basteve me të cilat, ai ka qenë I lidhur, thuhet në artikullin e The Guardian.
Të dy e mohojnë një fakt të tillë. Bode I tha The Guardian se ai kurrë nuk e ka mbështetur financiarisht Skënderbeun. Ai tha se akuzat janë bërë me një “lehtësi të pamatur” dhe vazhdoi: “Unë kurrë nuk kam qenë dhe nuk jam në dijeni të ndonjë përpjekjeje për të ndikuar në rezultatin e ndeshjeve“.
Takaj I tha The Guardian se akuzuar për përfshirjen e biznesit të tij kishin “dalë nga konteksti” dhe vazhdon: “Unë kurrë nuk kam qenë I përfshirë, direkt apo indirect, në ndonjë aktivitet që synon të manipulojë rezultatin e lojës, dhe kjo nuk ka lidhje me mua“.
Portieri 40 vjecar Orgesh Shehi, në të cilin në raport pretendohet se ka përfituar me aksionet e tij nga ndeshjet, është ende në ekip. Mbrojtësi Tefik Osmani, I akuzuar në mënyrë të ngjashme, është ende aty dhe të dy kanë bërë pohime për The Guardian. Shehi tha: “Unë besoj në vlerat e sportit dhe si një njeri I sportit kam provuar në gjithë karrierën time të jap një shembull për gjeneratat e reja“. Osmani tha: I mohoj plotësisht akuzat ndaj meje.
Takaj, është I vendosur të pastrojë emrin e klubit dhe I tha The Guardian: “Një dënim me 10 vjet është një praktikë e një denimi kapital“. (Panorama)
