Rindërtimi i xhamisë më të vjetër të Mitrovicës, në vendin ku ka ekzistuar e që është shkatërruar tërësisht nga ekstremistët serbë në luftën e fundit, në cepin verior të urës kryesore mbi lumin Ibër, ka qenë temë e bisedës ndërmjet kryetarit të komunës, Agim Bahtiri dhe kryeimamit të Kosovës, Naim Tërnava, lajmëron deklarata komunale.
Kryetari i Bashkësisë Islame të Kosovës, Naim Tërnava, i tha kryetarit Bahtiri se qëllimi i vizitës është për të parë si qëndron çështja e truallit të xhamisë, pasi që në medie ka pas disa deklarata që i kanë shqetësuar besimtarët, por edhe të gjithë qytetarët e Kosovës, se kinse në vendin e xhamisë po ndërtohen terrene sportive, në të cilat Bashkësia Islame e Kosovës, nuk ka besuar, transmeton Koha.net.
Bahtiri i tha Tërnavës se hapësira e xhamisë së shkatërruar afër urës kryesore të Ibrit në veri është e paprekur aq sa ka qenë dhe se askush dhe në asnjë mënyrë nuk do ta tjetërsoj atë.
Ai na vazhdim ju tha mysafirëve se në Bruksel është arritur marrëveshja për rivitalizimin e urës, me ç’rast është thënë në mënyrë decidive se hapësira ku ka qenë e ndërtuar xhamia, nuk guxon të preket fare, sepse aty, pas përfundimit të rivitalizimit të urës, do të filloj rindërtimi i xhamisë. (b.an)
