Një vajzë e moshës 13 vjeçare është shpallur e rrezikuar nga ana e policisë në qytetin e saj, pasi mësuesja kishte në plan ta shiste kundrejt shumës prej 10 mijë dollarësh. Ngjarja ka ndodhur në rajonin Kharkiv në Ukrainë, ndërsa e vogla jetonte në konviktin e një shkolle për jetimët dhe të pastrehët.
Ministri i Brendshëm i Ukrainës Arsen Avakov e ka raportuar rastin në Facebook, me fotot e mësueses 52-vjeçare dhe vajzës. Ai tha se policia i kishte monitoruar për katër muaj shkruan JOQ.
Avakov bën me dije se blerësi kishte lënë të kuptohet se organet e vajzës do të hiqeshin, ndërsa kishte pyetur edhe për shëndetin e të voglës.
Ai i kishte paguar mësueses 31-39 dollarë për foton e vajzës dhe të dhënat mjekësore rreth saj. Mediat ukrainase e kanë quajtur të dyshuarën si Galina Kovalenko. Ajo ishte mësuese e gjuhës ruse dhe ukrainase dhe ka përvojë më shumë se 20 vjet në mësimdhënie./a.m.
