Tragjeditë e refugjatëve të shumtë që i janë dyndur vendeve të Bashkimit Evropian, kryesisht nga Lindja e Mesme, nuk kanë fund dita-ditës. Fotot e mëposhtme pasqyrojnë momentet më dramatike të tragjedisë që po përjetojnë refugjatët sirianë.
Ngjarja e rëndë ka të bëjë me një familje refugjatësh sirianë të cilët hipën në tren në stacionin e Budapestit. Ata mendojnë se po nisen drejt Gjermanisë, tokës së premtuar. Por me të hipur në tren kuptojnë që në fakt po i çojnë në një kamp refugjatësh në periferi të Budapestit.
Kryefamiljari nuk pranon që familja të strehohet në një kamp të tillë por kërkon që të hipë në trenin për në Austri që më pas do i dërgojë në Gjermani. Në këtë moment burri i dëshpëruar hedh gruan dhe djalin e tij nga treni që të kenë ende një shans për të shkuar në Gjermani.
Por policia hungareze është tepër vigjilente. Ata marrin familjen e tij dhe e hipin sërish në tren duke i çuar në kampin e refugjatëve.
