Pakujdesia i kushtoi jetën një foshnje 15-muajsh, fëmijë i një çifti shqiptar në Itali. Mediat italiane shkruajnë se ngjarja ka ndodhur në Porto Recanati. Sipas mediave lokale, i vogli, ishte në shtëpi me nënën dhe po luante.
Nga hetimet e para, e nga sa është deklaruar në polici, fëmija humbi ekuilibrin dhe brenda pak çastesh përfundoi në një legen me ujë që gjendej në banesë raporton Panorama. Kanë mjaftuar vetëm pak çaste që fëmijë, i rënë me kokë në legen të mbytej.
Ndërhyrja e nënës ka qenë e kotë, pasi fëmija nuk kishte më shenja jetë. Ajo njoftoi e dëshpëruar urgjencën, por foshnja ishte mbytur./a.m.
