Një tjetër rast i rëndë incesti raportohet nga policia. Një 17-vjeçare nga Vlora ka denoncuar për abuzim seksual babain e saj 41-vjeçar. E mitura ka rrëfyer në polici se u abuzua nga babai i saj muaj më parë. Policia dnërkohë ka shpallur në kërkim shtetasin me inicialet V.Ç. 41-vjeç.
Ndërkohë, në polici ka dëshmuar edhe nëna e vajzës së abuzuar nga babai. Ajo rrëfen se vajza ngeli shtazënë dhe abortoi në javën e 21-të.
“Prej disa muajsh vajza nuk ndihej mirë. Pas vizitës në spital rezulti se ishte shtatëzënë. Mjekët thanë se fetusi ishte me deformime dhe vajza është detyruar të abortojë në javën e 21 të shtatëzanisë”, ka thënë e ëma e 17- vjeçares.
Detajet e policisë:
Policia ka shpallur në kërkim shtetasin:
- V.Ç., 41 vjeç, banues në Vlorë, për veprën penale “Marrëdhënie seksuale ose homoseksuale me persona në gjini ose nën kujdestari”.
Shpallja në kërkim e shtetasit V.Ç., u bë për arsye se ky shtetas dyshohet se ka kryer marrëdhënie seksuale disa muaj më parë me vajzën e tij, shtetasen Xh.Ç., 17 vjeçe.
(Sipas kallëzimit të bërë nga ana e saj më datë 04.11.2016).
Materialet janë dërguar pranë Prokurorisë për veprime të mëtejshme hetimore dhe proceduriale.
/a.m.
