Detaje të reja kanë dalë nga përplasja me armë zjarri në Shkodër, ku u plagos aksidentalisht 35-vjeçarja, Liljana Jeremija.
Tritoli i vendosur në murin e banesës së një efektivje policie në Durrës, fshihet edhe pas ngjarjes së rëndë mbrëmë në qendër të qytetit të Shkodrës, që fatmirësisht u mbyll pa viktima.
Personi i shpallur në kërkim, Mirsad Meta dyshohet se është personi i ka vënë tritolin makinës së Ornela Burakut, efektives së Policisë në Durrës.
Ngjarja e fundit ka çuar policinë edhe drejt autorit të vendosjes së triloit në banesën e polices, Ornela Buraku më 25 janar 2020. Ai dyshohet të jetë Mirsad Meta, 26-vjeçar nga fshati Bërdicë i Shkodrës, tashmë i shpallur në kërkim nga policia.
Tre persona, mes të cilëve edhe vëllai i efektives së Durrësit, Ension Buraku, qëlluan me armë ndaj tij por plumbat kapën makinën e tij luksoze, një BMW me targa gjermane, dhe aksidentalisht u plagos lehtë në këmbë një kalimtare e rastësishme në pedonalen e Shkodrës “Kolë Idromeno”.
Arjan Rexha 31 vjeç, nga Durrësi, Riad Xheladini 22 vjeç nga Maqedonia si dhe Ension Buraku 28 vjeç nga Durrësi janë tre të arrestuarit.
Ndërkohë në kërkim u shpall Mirsad Meta pronari i makinës, i cili gjithashtu iu kundërpërgjij me armë zjarri autorëve. Të arrestuarit do të përballen me akuzat për veprat penale “Vrasja në rrethana të tjera cilësuese”, “Plagosja e lehtë me dashje” dhe “Armëmbajtja pa leje”.
Por detaje të tjera kanë dalë pasi tritoli i vendosur në Durrës, nuk ka qenë për efektiven e policisë, por pikërisht për vëllain e saj, Ension Buraku.
g.kosovari
