Baftjar Bruka, bashkëpunëtori i dyshuar i Vladimir Gjutës në vendosjen e tritolit te farmacia e babait të ministrit të Brendshëm Saimir Tahirit është arrestuar në Norvegji.
24 – vjeçari Baftjar Bruka u largua nga Shqipëria dy ditë pas arrestimeve nga policia të anëtarëve të “grupit të tritolit” drejtuar nga Vladimir Gjuta i arrestuar vetëm 6 ditë më parë nga forcat RENEA në tunelin e Kalimashit.
Baftjar Bruka ishte shpallur gjithashtu në kërkim ndërkombëtar edhe nga autoritetet italiane ku dyshohet se Bruka bashkë me një xhihadist sirian, kishin planifikuar sulme terroriste në qytetin e Venecias.
Përveç Vladimir Gjutajt për shpërthimin me tritol vazhdojnë të qëndrojnë nën masën “arrest me burg”, Lumjan Matmuja, Kamber Bruka, Erjon Dule dhe Emirjon Gjuta.
Ndërsa pas disa ditë qëndrimi në burg është liruar Ernest Gjuta për mungesë provash që e implikojnë në shpërthimin me tritol.
