Detaje të reja dalin në dritë nga shpërthimi me tritol që ndodhi gjatë natës sot në Vlorë. Ngjarja në fjalë u regjistrua rreth orës lagjen “10 Korriku”. Burime zyrtare për ‘BalkanWeb’ bënë me dije se lënda plasëse ishte vendosur në automjetin tip “Audi” shtetasit Sokrat Beqiraj, 64 vjeç. Të njëjtat burime theksuan se eksplozivi ishte vendosur me fitil, dhe ka shkuar dëmtime në pjesën e përparme të automjetit.
‘BalkanWeb’ mëson se policia po heton rreth ngjarjes, ndërsa si pistë kryesore po hetohet një konflikt pronësie që mund të ketë pronari i mjetit. Ndërkohë, policia po heton rreth faktit se djali i Beqirajt që është emigrant, mund të ketë ndonjë konflikt të hapur me dikë, pasi makina përdorej shumë edhe nga ai kur vinte në Vlorë. Sokrat Beqiranj kishte një biznes privat, ndërsa pista e konkurrencës është hedhur poshtë nga policia. Thuhet se kjo ngjarje ishte thjesht një mesazh nga autorët. Sakaq, policia po heton rreth identifikimit dhe kapjen e autorëve.
Informacion paraprak
Më datë 24.01.2018, rreth 02:10, në lagjen “10 Korriku”, i është vendosur lëndë eksplozive automjetit tip “Audi”, në pronësi të shtetasit S.B., 64 vjeç. Mjeti ka qenë i parkuar pranë banesës dhe ka dëmtime në pjesën e përparme. Grupi hetimor po punon për zbardhjen e plotë të ngjarjes dhe për identifikimin e kapjen e autorit/ve.
