Një shpërthim ka ndodhur në Tiranë, ku lënda plasëse ka shpërthyer në portën e jashtme të një shtëpie.
Sipas informacioneve paraprake, mësohet se ngjarja ka ndodhur rreth orës 00:35, në rrugën ’’Besnik Hidri’’, në shtëpinë e shtetasit Tonin Qafa, për pasojë vetëm dëme materiale.
Gjithashtu, mësohet se në vitin 2009 Tonin Qafës i është vrarë i vëllai, ku nga ky moment familja me origjinë nga Fushë Arrëzi u shpërngul në Amerikë.
Qafa ishte kthyer në Shqipëri muajt e fundit, ndërsa pistë e policisë mbetet dhe verifikimi i aktivitetit të nipave dhe fëmijëve të Tonin Qafës në Spanjë, pasi dyshohet se janë të përfshirë në trafikun e drogës.
Ende nuk dihen rrethanat e këtij shpërthimi, ndërsa policia është duke punuar për zbardhjen e plotë të ngjarjes, ndërsa autori është shpallur në kërkim.
newsbomb.al
