Ditën e djeshme shkaktoi reagim të fortë në publik lajmi i bashkëshortes 26-vjeçare që dhunonte e tradhëtonte burrin e saj. Por është pikërisht ky i fundit që e fton të kthehet në shtëpi duke e falur por me një kusht: të mos e tradhëtojë më.
“Mjafton që gruaja ime të heqë dorë nga tradhëtitë dhe telefoni dhe unë do ta fal serish.” Shprehet për A1 Report 36 vjecari nga Lushnja , Niko Trimi, një ditë pasi policia arrestoi bashkëshorten e tij 26 vjecare Edmonda Trimi.
“Unë premtoj se çdo gjë me firmë të prokurorisë, ajo për familjen ka qenë, por të heqë dorë nga Facebook nga telefonatat. Në qoftë se me telefonin ka problem, i duhet të më thotë mua që do flas me mamin ose me dikë dhe unë si kam penguar asnjë”, thotë Trimi
Teksa arsyeton se këtë vendim e merr edhe për hir të tre vajzave kryfamiljari kujton edhe një here momentin kur zbuloi për herë të dytë tradhëtinë e bashkëshortes së tij, e cila pasi e dhunoi e braktisi.
“Që e ka marrë njëri në telefon. Ku je o zemër? Po vi te babi i tha. Dhe këtu dorë kanë prindërit. I kam njoftuar prindërit e saj, ndërsa ata më lënë shkakatar mua për çfarë arësye jam unë shkaktar. Jam në gjëndje të rëndë shpirtërore. Për këta fëmijë kur i shikoj kështu pa veshur pa ndërruar ( ndërkohë përlotet ) kush ti mbajë këta fëmijë neser kanë nënë, nuk kanë”, thotë ai
Familja Trimi nuk vuante nga problemet ekonomike, por kjo mesa duket nuk ka ndikuar tek 26 – vjeçarja për të krijuar një mardhënie korrekte me bashkëshortin e saj.
