Policia zvicerane ka çmontuar një rrjet të trafikut të drogës ku janë sekuestruar mbi 10 kilogramë kokainë dhe heroinë ndërsa janë vendosur në pranga 9 persona. Të arrestuarit janë nga Shqipëria dhe Zvicra, ndërsa janë kapur me 531 gramë kokainë, 128 gramë heroinë dhe 48 gramë mariujanë.
Gjithashtu policia ka konfiskuar edhe armë si dhe para që vinin nga tregtia e drogës në vlerën e 100 mijë frangave.
Të arrestuarit midis tyre, shtatë burra dhe dy gra akuzohen se kanë organizuar trafikun e drogës në Zvicrën qendrore.
Sipas prokurorit të Luzernës, trafikantët e drogës kanë shitur mbi 10 kg kokainë dhe 600 gramë heroinë nga prilli deri në dhjetor të vitit 2020. Dosja e prokurorisë tregon se droga vinte nga Shqipëria dhe shitej në Zvicër.
Tre të dyshuarit kryesorë dhe korrieri janë nga Zvicra ndërsa të tjerë nga Shqipëria.
Personat përgjegjës u arrestuan nga policia e Luzernit në dhjetor të vitit 2020 dhe në mars të vitit të kaluar, ndërsa operacioni i fundit ishte goditja e radhës për të shkatërruar gjithë rrjetin profesionist të trafikut të drogës në një aksion të koordinuar me policinë federale kriminale dhe zyrën e prokurorisë federale.
g.kosovari
