Autoriteti i Konkurrencës dështoi të penalizojë pesë kompani që operojnë në tregun e drithrave në vend, edhe pse kishte fakte se ato kishin arritur një marrëveshje për të fiksuar cmimin final. Dështimi erdhi pasi 3 anëtarë votuan kundër gjobës prej 500 mln lekësh.
Indrit Reka, shefi i Kabinetit në Autoritetin e Konkurrencës, i ftuar në “E-ZONE”, tha se tre anëtarët votuan kundër me argumentin se s’ka prova, edhe pse një vit më parë pranuan shkeljet e konstatura.
“Bëhej fjalë për penalitete që arrin në 500-600 milionë lekë. Ky hetim i përkiste një kohe tjetër, por fundi i periudhës monitoruese nga ana jonë përkoi me rritjen aktuale të çmimit të miellit në treg. Gjatë kësaj kohe ishin mbledhur prova dhe fakte lidhur abuzimet që krynin kompanitë dhe ato ishin pranuar edhe nga anëtarët, në vendimin që u mor një vit më parë në korrik. Por tashmë duket se ata nuk u bindën për të ndëshkuar me gjobë këto abuzime”, tha Reka
Gjithsesi në kuadër të rritjes së cmimeve në thuajse çdo produkt dhe shërbim, Autoriteti thotë se do të jetë i vëmendshëm për të parë dhe monitoruar sjelljen e bizneseve në treg, në mënyrë që çmimet të orientohen nga kostot dhe jo nga abuzimet e mundshme.
/a.r
