Një ngjarje e rëndë ka ndodhur paraditen e sotme në zonën e njohur si “Kthesa e Murrashit” në aksin Elbasan-Librazhd ku kanë humbur jetën tre persona.
Gjithçka ndodhi pasi makina që ra në lum u përplas me një tjetër automjet tip “Ford”.
Automjeti ku ndodheshin shoferi dhe 5 pasagjerë është përplasur me një tjetër makinë, dhe për pasojë drejtuesi ka humbur kontrollin duke përfunduar në lumin Shkumbin.
Sipas abcnews se tre nga personat që ndodheshin në makinë janë nxjerrë, mes të cilëve shoferi, njëri nga pasagjerët dhe një fëmijë.
Një prej viktimave është rrëmbyer nga rryma në momentin kur forcat zjarrfikëse kanë ndërhyrë me ekskavator për të bërë të mundur nxjerrjen e automjetit.
Identiteti i viktimave nuk bëhet i ditur ndërkohë që në vendin e ngjarjes kanë mbërritur edhe familjarët e tyre.
Policia është duke kërkuar shkaqet e aksidentit që çoi në këtë tragjedi, ndërsa paraprakisht dyshohet lagështira dhe një parakalim i gabuar.
g.kosovari
