Dy italianë dhe tre shqiptarë janë arrestuar nga karabinierët pasi dyshohet se ishin autorë të një prite me armë, e cila ndodhi më 18 qershor.
Dy persona, një italian dhe një i huaj po udhëtonin me skuter në Sanremo, në rrugën holandeze, kur u plagosën me armë. Në vendin e ngjarjes policia gjeti dy gëzhoja.
Të arrestuarit akuzohen për plagosje të rëndë me paramendim.
Ngjarja sipas hetuesve mund të lidhet me botën e drogës. Hetimet nisën pasi karabinierët u lajmëruan se dy persona ishin paraqitur në urgjencë me plagë të shkaktuara nga arma e gjahut.
Pas dëshmive të mbledhura karabinierët gjurmuan oraret, automjetet, itineraret dhe marrëdhëniet mes personave të përfshirë. Pamjet e sigurisë ishin vendimtare për kapjen e 5 autorëve të dyshuar.
Për pesë personat e arrestuar është kërkuar arrest me burg.
Gjatë kontrolleve u gjetën municion për pushkë të lëmuar të kalibrit 20 dhe 12.
Shkaku i ngjarjes
Atentati do të lidhej me moskthimin e një gjerdani, si një peng i mundshëm për një borxh droge. Pesë të arrestuarit janë të gjithë me dosje të pastra. Të arrestuarit janë Angelo Bonfiglio, 56 vjeç, dhe Riccardo Berrica, 19 vjeç, të dy nga Ceriana dhe tre shokët shqiptarë të dhomës që jetojnë në Ceriana: Fernando (aka Romeo) Shemuni, 35 vjeç; Klodian Kola, 32 vjeç dhe Enea Dema, 34 vjeç, shkruan Ansa.
Hetimet u kryen pas vëzhgimeve të kamerave të sigurisë dhe përgjimeve telefonike.
Si ndodhi ngjarja
Hetuesit konstatuan se pestë të arrestuarit ishin ndalur në buzë të rrugës holandeze me një furgon Fiat Doblò, të drejtuar nga Bonfiglio dhe kishin pritur që të kalonte skuteri.
Sipas asaj që mësohet, njëri prej të plagosurve OS. duhet t’ia kishte kthyer gjerdanin Berricës.
g.kosovari
