Tre ngjarje të rënda kanë ndodhur brenda pak minutash në Tiranë, ku një person ka gjetur vdekjen, ndërsa dy të tjerë ndodhen të aksidentuar në spital.
Rreth orës 14:45, në vendin e quajtur “Bregu i Lumit”, një person ende i paidentifikuar, dyshohet se aksidentalisht ka rënë në kontakt me rrymën elektrike, ku për pasojë ka ndërruar jetë.
Ndërkohë rreth orës 14:05, në rrugën “Dritan Hoxha”, mjeti me drejtues shtetasin H.M., 49 vjeç, ka aksidentuar kembesorin P.Z., 60 vjeç, i cili u dërgua në spital, dhe ndodhet nën kujdesin e mjekëve.
Sakaq rreth orës 14:20, tek ish-dogana, ka rënë nga lartësia e një pallati në ndërtim shtetasi R.K., 59 vjeç, i cili u dërgua menjëherë në spital dhe ndodhet nën kujdesin e mjekëve.
Grupi hetimor dhe shërbimet e policisë ndodhen në vendngjarje dhe po hetojnë për të zbuluar më shumë rreth ngjarjeve.
/a.r
