Sipas një raporti të Organizatës Botërore të Shëndetësisë, rreth 3 milion njerëz në vit vdesin si pasojë e konsumit të alkoolit.
Sipas të dhënave të marra rreth 2,3 milionë e këtyre vdekjeve në vitin 2016 ishin burra dhe rreth 29% e vdekjeve të shkaktuara nga alkooli kishin ardhur si pasojë e lëndimeve, përfshirë këtu aksidentet në trafik apo vetëvrasjet.
Raporti që publikohet çdo 4 vjet, flet për pasojat e vazhdueshme të alkoolit në shëndetin e njerëzve në të gjithë botën, dhe nënvizon se të rinjtë janë më të prekurit.
13.5% e numrit total të viktimave të alkoolit janë të rinj rreth të njëzetave. Raporti po ashtu nënvizon se konsumi i alkoolit është më i madh tek të varfërit sesa tek të pasurit.
Ekspertët e OBSH-së thonë se pasojat e alkoolit janë jashtëzakonisht të mëdha.
Europa mbetet kontinenti që konsumon më shumë alkool në shkallë globale dhe është “fajtor” për më shumë se 10% të të gjitha vdekjeve në kontinent./a.m.
