Sulmuesi brazilian, Neymar ende nuk ka nënshkruar kontratë të re me Barcelonën dhe agjenti i tij ka thënë se klubet më të pasura në botë janë të gatshme të paguajnë klauzolën e tij.
Agjenti i tij, Wagner Ribeiro ka thënë se tre klube janë të gatshme të paguajnë klauzolën e tij, transmeton Koha.net. Sipas raporteve këto skuadra janë: Real Madridi, Manchester Unitedi dhe PSG-ja.
“Janë tri klube të mëdha në botë që duan të nënshkruajnë me Neymarin dhe të paguajnë klauzolën 200 milionë euro Barcelonës.
Nuk mund të them më tepër së kaq. Por, vetëm mund të garantoj se Neymari është i lumtur në Barcelonë”, është shprehur Ribeiro për Radio Jovem Pan.
Neymar ishte bashkuar me Barcelonën në vitin 2013, dhe kishte nënshkruar kontratë pesë vjeçare, që do të thotë se ai ka edhe dy vjet në kontratën e tij. (b.an)
