Gjykata e Apeli ka rrëzuar ankimimin nga avokatët e Gerti Shehut, i riu i cili goditi me grusht kreun e PD Sali Berisha gjatë protestës së opozitës më 6 dhjetor, duke e lenë atë në burg.
Avokatët i kanë kërkuar gjykatës së Apelit shtrim të përkohshëm në një institucion psikiatrik pasi sipas tyre vuan nga çrregullime mendore, dhe lënien në arrest shtëpie.
Raportohet se avokatët, të pyetur nëse kanë dokumente shtesë që vërtetojnë pretendimet e tyre për gjendjen shëndetësore të 32-vjecarit, janë shprehur se po i mbledhin.
Sa i përket gjendjes mendore të personit të dyshuar, që në krye të herës doli një dokument mjekësorë sipas të cilit vërtetohej se mund të kishte probleme mendore, por duke mos qenë konform ligjit, prokuroria ka kërkuar një tjetër ekspertizë.
/a.r
