Narkotrafikanti ndërkombëtar Miro Rizvanovic Niemeier, që u kap të enjten nga Guardia di Financia në Milano, kishte mbërritur në Itali për t’u takuar me aleatët e tij shqiptare, me qëllim që të vendosnin çmimin për 100 kg kokainë që do të shitej në Itali.
36-vjeçari me kombësi të dyfishtë, boshnjako-gjermane, njihet si bosi i “Klanit të Gjirit”, një organizatë gjigante trafiku droge, dhe ndër pikat kryesore të refererimit për kapon e tij, “Otoniel”, trashëgimtari i Escobarit.
Rizvanoviç Niemeier transportonte drogë nga Kolumbia në Itali nëpërmjet Panamasë e Spanjës, ndërsa për shitjen e saj shfrytëzonte emigrantët e shumtë, ku si partnerë kryesorë ka pasur shqiptarët në Milano.
Hetuesit italiane po punojnë për të identifikuar dhe kapur bashkëpunëtoret e bosit të drogës, që njihet me pseudonimin “El Ruso” raporton Shqiptarja. Sipas hetimeve, Rizvanovic Niemeier i kishte shpëtuar disa herë drejtësisë, pasi dyshohet se paguan njerëz të Interpolit kolumbian e madje edhe franceze. Tashmë Kolumbia kërkon ekstradimin e tij, ndërsa narkotrafikanti refuzon ekstradimin, pasi thotë se në burgun në Kolumbi do jetojë vetëm pak orë, pasi kartelët rivalë të drogës do të kërkojnë të lajnë hesapet.
