Një shqiptar 21-vjeçar është arrestuar nga policia greke, pasi ai vazhdimisht furnizonte Korfuzin me lëndë narkotike. Mediat greke shkruajnë se ai transportonte në mënyrë sistematike sasi të mëdha hashashi nga vendlindja, dhe ia shiste në Korfuz një shqiptari tjetër, madje duke e shpërndarë në motorin e tij.
Në një nga rastet e shpërndarjes së drogës, 21-vjeçari u pikas dhe u arrestua nga policia, shkruan media greke “Protothema”.
Aktivitetet e paligjshme të tregtisë me lëndë narkotike të të riut shqiptar kanë rënë në sy të policisë greke. Menjëherë pasi janë vënë në dijeni për një tjetër shpërndarje të drogës, Policia është vënë në ndjekje të tij. Pas arrestimit, policia sekuestroi drogën, si dhe mjetin që ai përdorte.
21-vjeçari u dërgua në Prokurorinë Penale të Korfuzit, që e ndoqi penalisht për transport, ruajtje dhe trafik të drogës.
