Një tjetër zonë e rëndësishme e Tiranës iu kthye këtë javë qytetarëve e transformuar në mënyrë rrënjësore. Bëhet fjalë për 3 segmentet e Unazës së Vogël që dje u përuruan nga kryetari I Bashkisë së Tiranës Erion Veliaj.
Për të parë edhe një herë ndryshimin mes pamjes që ishte para dy muajsh dhe pamjes që ofrojnë sot këto segmente, kreu i Bashkisë, Veliaj ka postuar në faqen e tij në rrjetin social facebook një video të shkurtër, ku kontrasti është i qartë. “Në kohë rekord!
Puna është përgjigja jonë! Po nxjerrim Tiranën në dritë, çdo ditë nga pak! Përfundon në kohë rekord Unaza Vogël (dhe pak ditë segmenti final) dhe përgatitemi për sheshin “Skënderbej”, shkruan Veliaj në komentin që shoqëron këtë video.
