Nëse ju ka pëlqyer Chevrolet Camarro i verdhë që shndërrohet në robotin e madh alien Bumblebee në filmat Transformers, mund ta keni edhe ju një. Do t’ju duhen të paktën 600 mijë dollarë për ta blerë në ankand në Abu Dhabi. Nuk është Camarro, por një BMW e serisë 3, e cila shndërrohet për 30 sekonda në robotin e pagëzuar me emrin Antimon.
Është vepër e 12 inxhinierëve dhe katër teknikëve nga Turqia, të cilët kaluan 11 muaj për t’i dhënë jetë krijimit të tyre.
Makina nuk është licencuar për të dalë në rrugë dhe kush e blen atë mund ta mbajë vetëm si një lodër për ta admiruar e për t’u mburrur para shokëve. Antimon lëviz me shpejtësi 20 km/orë dhe shndërrohet me telekomandë. Ai është i pari i një serie që pritet të ketë 12 Transformers. Të tjerët janë ende në fazën e kërkimit dhe zhvillimit.
d.i.
