Qeveria bjelloruse ka prezantuar ndryshime në kodin penal të vendit për të përfshirë kastrimin kimik si dënim për pedofilët.
Zyra e Prokurorit të Përgjithshëm e njoftoi këtë lëvizje të hënën në një postim në Telegram, duke deklaruar se, përveç çdo dënimi gjyqësor, ata që shpallen fajtorë për vepra seksuale që përfshijnë fëmijë do të marrin “trajtim të detyrueshëm të personave që vuajnë nga pedofilia”.
“Ministria e Shëndetësisë e Bjellorusisë ka zhvilluar një “protokoll klinik që përmban një algoritëm për trajtimin e pedofilisë, duke përfshirë përdorimin e tredhjes kimike”, vazhdoi deklarata, duke forcuar gjithashtu rehabilitimin dhe burimet për viktimat.
Kastrimi kimik, i njohur ndryshe nga populli si tredhja nuk kryhet pa kirurgji. Mjekët tregojnë se kastrimi kryhet më anë të një injeksioni me ilaçe të ndryshme, që në mënyrë efektive nuk mund të kryesh marrëdhënie seksuale.
Pra Kastrimi kimik është një trajtim nëpërmjet barnave në një person që vuan nga pedofilia dhe që është përdorur që nga viti 1944 për të ulur nivelin e testosteronit te burrat, duke parë si hormonin që shkakton shtytjen e seksit. Bëhet përmes administrimit të ilaçeve antandrogjen, qoftë në formë pilulash, ose më shpesh përmes injeksioneve.
Kjo metodë ndiqet në shumë vende të botës si në Argjentinë, Australi, Angli, Gjermani, Poloni, Moldavi, Estoni, Rusi, Francë, Danimarkë, Kanada, Zelanda e Re, Izrael, Indi, Indonezi, Korea e Jugut dhe 8 shtete në Amerikë.
