Pas fitores në gjysmëfinale që i siguroi kualifikimin në finale të Copa Sudamericana, trajneri i klubit brazilian Chapecoense, Caio Junior kishte thënë se, “nëse do të vdisja sot, do të vdisja i lumtur”. Kështu raporton Goal, që ka postuar edhe një foto të tij.
Caio Junior ka humbur jetën tragjikisht me aeroplan së bashku me pjesën më të madhe të ekipit të tij gjatë udhëtimit për në Kolumbi ku do të zhvillonte finalen e Copa Sudamericana ndaj Altetico Nacional, transmeton Koha.net.
Nga rrëzimi i aeroplanit humbën jetën gjithsej 76 persona, nga 81 sa ishin në të, ndërsa shpëtuan pesë, tre prej tyre lojtarë të klubit brazilian. Kjo është një nga tragjeditë më të mëdha në botën e futbollit. (b.an)
